زينوها ودفنوها والكفن ثوب الزفاف
مادروا أن البنيهـ مغرمهـ ولها حبيب!!
زينوها وادفنوها والكفن ثوب الزفاف
غصب عنها زوجها وسلموها للغريب
مجبرهـ ماشاورها قصدهم شرع العفاف
مادروا أن البنيهـ مغرمهـ ولها حبيب !!
جهزوها وهي تبكي وترتشف دمع أرتشاف
وخبروها إن موعد الفرح منها قريب
مالقت أحد فهمها ولهمها ناظر وشاف
إن حكت باللي سكنها مالقت لها مجيب
وكانها هي وافقتهم جرعوها الزعاف
حالها من حال أهلها صار محزن ومريب
والحفل قرب وقامت ترتجف خوف إرتجاف
كل يوم تقول باكر الفرج بإذن الرقيب
باكر يمكن يفهمون قصتي بآخر مطاف
جاء باكر ثم عدا وجاء بعد باكر عطيب
وعلقوا عقد الإنارة واحتشد فرد وألاف
وأيقنت أن الجرح جرحها ماله طبيب
وإنها لازم تطيع أمرهم وترضىآ الجفاف
جو لها والدمع يغرق جفنها الحلو الرطيب
قالوا يالله إلبسي ثوبك اللي للزفاف
كفونها وفي نظرهم زوجها للأديب
فرشوها الهم دايم والأسىآ لها لحاف
ياحسافهـ..دخلوها والحشىآ يغلي لهيب
وأحكموا قيد البنية واسجنوها بإلتفاف
ودعتهم وهي تقول حسبي الله الحسيب
رحلتي ماهي طويلهـ رجعتي بعد القطاف
سافرت عن دار أهلها وقلبها خطر وصويب
سافرت مع من هو خطفها من أمانيها الضعاف
خايفهـ مستوحشهـ والعرق منها صبيب
وقلبها ينبض بذكرىآ ماضيهـ فيها اختلاف
حاولت ترضىآ بقدرها وللحدث هي تستجيب
بس عيت تقتنع وعشقها ذاك الضفاف
هو سألها جاوبيني ليش دمعاتك سريب..؟!
ليه لي ماتنظرين وأنا زوجك شخص وافِ
قالت بنبرة خجولهـ أنا في وضع رهيب
غصب عني زوجوني وطعنوني بالرهاف
هو سكت لحظهـ وتأمل وش أسوي يامجيب
عقلهـ وقلبهـ نطقها صاحب النخوهـ يعاف
قال من هو غير حبي يسكن بقلبك نجيب
من تولىآ عرش قلبك اهتني به ياعفاف
وباكر الرجعهـ تراها وامسحي الدمع العجيب
خايف إني أمسكك وأقترف ذنب اقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
إرجعت وقالت رجعت يأهل الشرع الغريب
بنتكم جتكم ولكن من بعد ذل وحساف
وابعثت مرسول عاجل أنا جيتك يالحبيب
النذر اللي نذرته صار وافي يامناف
اجلست يوم وتأخر لارسالهـ ولا مجيب
وعقلها يمهـ تشتت وبدت بالغيبهـ تخاف
مرها طفل صغير واسألت عن الصحيب
قال " مــــــــــــــات " ليلة زفافك وإندفن بعد الزفــاف
ناحت بحسرهـ وطالت الليالي والنحيب
(( وودعت قبل اللقاء حلمها الزاهي وطاف ))
اقتلوها مرتين وشابت ما قبل المشيب
وذاب قلب قد تعلق والبصر جاهـ الكفاف
مما رآق لي ونقلتهـ لكم
أختكمــ : sara
الأربعاء أكتوبر 22, 2008 8:20 am
